19:42, 02 Aqpan 2025 | GMT +5
Bir kúnde úsh kólik janyp ketti: TJM el turǵyndaryna eskertý jasady
ASTANA. KAZINFORM - Sońǵy ýaqytta avtomobılderdiń órtenýi jıilep ketti, dep habarlaıdy QR Tótenshe jaǵdaılar mınıstrliginiń baspasóz qyzmeti.
Baspasóz qyzmetiniń málimetterine qaraǵanda, búgin kúndiz Jetisý oblysynda 1, al elordada 2 jeńil avtokólik janǵan. Órtter sóndirildi, zardap shekkender joq.
- Kóbinese tez tutanatyn materıaldardan turatyn avtokólik 4-6 mınýt ishinde tolyǵymen janyp ketedi. Bul rette ásirese kóliktiń bınzın quıatyn bagy men gaz ballonynyń jarylý qaýpi óte joǵary. Sol sebepti kólik órtengende odan 10-15 metr qashyqtyqty ustaǵan jón, - delingen Tótenshe jaǵdaılar mınıstrliginiń baspasóz qyzmeti taratqan aqparatta.
Osyǵan deıin Atyraýda qańtar bastalǵaly 7 kólik órtenip ketkeni týraly jazdyq.
