«Bir beldeý, bir jol» ІІІ forýmynyń baspasóz ortalyǵy qalaı jumys isteıdi
«Bir beldeý, bir jol» halyqaralyq yntymaqtastyǵy aıasynda Beıjińde ótetin joǵary deńgeıli III Forým qarsańynda forýmnyń baspasóz ortalyǵy iske qosyldy, dep habarlaıdy Kazinform.
Baspasóz ortalyǵy QHR astanasynyń «Olımpıada aýdany» dep atalatyn aýmaǵyndaǵy Qytaı ulttyq konferentsııa ortalyǵynyń kórme kesheninde ornalasqan.
Baspasóz ortalyǵy Qytaı ulttyq konferentsııa ortalyǵynyń kórme zaldary men foıesin alyp jatyr. Onda jumys aımaǵy, press-konferentsııa zaldary, teleradıo habarlaryn taratý stýdııalary, suhbat bólmeleri, fotostýdııalar, ortalyq dıspetcherlik pýnkt jáne sıgnal jazý bólmesi bar.
Oqıǵalardy naqty ýaqyt rejıminde taratý úshin jalpy jumys aımaǵynda úlken ekrandar ornatylǵan. Sondaı-aq, jýrnalısterge arnalǵan 468 oryn bar.
Baspasóz konferentsııalaryn ótkizýge arnalǵan tórt zal bólingen. Olardyń eń úlkenine 200 adam syıady. Baspasóz ortalyqtarynda, sondaı-aq, suhbat alýǵa arnalǵan bólmeler bar.
Baspasóz ortalyǵynyń qyzmet kórsetý bıýrosy BAQ úshin anyqtamalyq materıaldar taratady jáne kólik qyzmeti, tarıhı kórikti jerler men marshrýtty josparlaý týraly keńes beredi.
Baspasóz ortalyǵynda sheteldik tilshilerdi qytaı mádenıetimen, tarıhymen, Beıjińniń kórikti jerlerimen tanystyratyn kórmeler qoıylǵan.
BAQ ókilderine tamaqtaný oryndary men birneshe kofe-breık alańdary uıymdastyrylǵan.
