Bir aptada 10 myńǵa jýyq almatylyq JRVI-men aýyrdy

ALMATY. KAZINFORM – Almatyda jedel respıratorlyq vırýstyq ınfektsııa juqtyrǵandar boıynsha epıdemıologııalyq ahýal qalypty. Bul týraly qalanyń sanıtarlyq-epıdemıologııalyq baqylaý departamenti basshysynyń orynbasary Ásel Qalyqova málim etti.

Epıdemıologtyń aıtýynsha, ótken aptada JRVI juqtyrǵan 9890 adam tirkelgen. Bul – byltyrǵy jyldyń osy kezeńimen salystyrǵanda 9,8% - ǵa tómen.

Jańa epıdemıologııalyq maýsym bastalǵaly tumaýdyń A/H3N2 tıpti vırýsy taralǵan, tumaýmen syrqattanýshylyqtyń 232 jaǵdaıy tirkeldi. Sondaı-aq, Sovid-19-ǵa naýqastardan 290 synama alynyp zertteldi, onyń ishinde 58-i oń nátıje kórsetti. 

«Táýekel tobyndaǵy» adamdardy vaktsınatsııalaý úshin 210 000 doza mólsherinde úsh valentti tumaýǵa qarsy «Grıppol Plıýs» vaktsınasy satyp alyndy. Tumaýǵa qarsy vaktsınatsııa qyrkúıek aıynan bastalyp, qarasha aıynyń aıaǵyna deıin jalǵasady»,- dedi ol.

Aıtýynsha, qaladaǵy emdeý mekemeleri epıdemıologııalyq maýsymǵa daıyn. Tumaýǵa qarsy preparattar men medıtsınalyq maskalar qory jetkilikti.

Osyǵan deıin spıker Almatyda koronavırýsqa qarsy vaktsınalar joq ekenin aıtqan bolatyn. 

Budan bólek emdeý mekemeleri kúsheıtilgen jumys rejımine kóshetini týraly jazǵan edik.