Bostondaǵy jarylys: Djohar Tsarnaevqa qatysty ólim jazasy kúshin joıdy

NUR-SULTAN. QazAqparat – AQSh-tyń apellıatsııalyq soty 2013 jyly Boston marafonynda jarylys jasady dep ólim jazasyna kesilgen Djohar Tsarnaevqa qatysty sot sheshiminiń kúshin joıdy. Bul týraly QazAqparat VVS silteme jasap habarlaıdy.

27 jastaǵy Tsarnaev ómir boıy túrmede otyrady, alaıda sot ony ólim jazasyna kesýge qatysty taǵy da bir sot protsesin ótkizbek.

Aıta ketsek, Boston marafonynyń máresinde bolǵan jarylysqa qatysty isti tergeýge kedergi keltirdi dep aıyptalǵan qazaqstandyq stýdentter Dıas Qadyrbaev pen Azamat Tájaıaqovta boldy.

Keıin belgili bolǵandaı Azamat Tájaıaqov Boston teraktisin tergeýge kedergi jasaýǵa qatysty aıypty dep tanyldy.

D.Qadyrbaev 2015 jyly Amerıka túrmesinde 6 jylǵa jazasyn óteýge sottalǵan bolatyn. Ol 2013 jyly Bostonda aǵaıyndy Tsarnaevtar jasaǵan lańkestik aktini tergeý kezinde aıypty dep tanyldy.

Qazaqstannyń Syrtqy ister mınıstrligi Qadyrbaevtyń merziminen buryn bostandyqqa shyǵatynyn aıtty. Ol jazasyn Tehas shtatyndaǵy «Big Spring» federaldy túrmesinde ótedi.