Boryshkerdiń mindettemeleri boıynsha múlkin kepilge qoıǵandar úshin qandaı qaýip bar

NUR-SULTAN. QazAqparat – «Fingramota Online» qosymshasyna jeltoqsan aıynda jıi kelip túsken suraqtardyń arasynda qaryz boıynsha kepil múlkin berýshiler qandaı jaǵdaılarǵa tap bolýy múmkindigi suralǵan. Osy oraıda fingramota.kz saıtynda bul suraqtarǵa berilgen jaýap usynyldy, dep habarlaıdy QazAqparat.

«Týysqanym bıznes ashyp, qaryz boıynsha meni kepil múlkin berýshi bolýdy suraıdy. Bul maǵan qandaı qaýip tóndiredi?» - degen saýal jıi qoıylǵan eken.

Mamandardyń jaýabyna súıensek, eger óz múlkińizdi boryshkerdiń mindettemeleri boıynsha kepil retinde qoıýǵa kepildik berseńiz, onda tıisti yqtımal táýekelderge tap bolýy múmkindigi bar.

Osy oraıda:

- Kepil toqtatylǵanǵa deıin siz óz múlkińizdi basqara almaısyz;

- Eger siz kepil múlkin berýshi retinde áreket etetin boryshker bank aldyndaǵy mindettemeni oryndamasa nemese tıisti tártipte oryndamasa, onda bank kepilge salynǵan múlikti óndirip alýǵa quqyly;

- Boryshker qaıtys bolǵan jaǵdaıda, qaryz týraly másele onyń murageri sheshkenge deıin qalady jáne saqtalady;

- Boryshker kepil berýshini kredıtti resimdeý úshin óziniń jeke basynyń maqsatyna paıdalanyp, keıinnen kredıtti tóleý boıynsha mindettemeden qashýy múmkin.

«Kepil berýshi, eger ol boryshkerdiń mindettemeleri boıynsha óz múlkimen jaýap berýge kelisse, onda onyń kepilge salynǵan múlki boryshkerdiń bank aldyndaǵy tólem qabilettiligine jáne adaldyǵyna baılanysty bolatynyn este saqtaýy qajet. Kóp jaǵdaılarda boryshker qaryzdy óteý boıynsha óz mindettemelerin oryndamaı, qaryzdy tóleý boıynsha tolyq nemese ishinara jaýap beretin kepil berýshiniń bar ekenin bile otyryp, kredıtordan qashqaqtaýy múmkin», - delingen fingramota.kz málimetinde.