Bolgarııada Abaı barelefi ashyldy
Іs-sharaǵa Qazaqstannyń Bolgarııadaǵy Elshisi Temirtaı Іzbastın, Bolgarııanyń buryńǵy Syrtqy ister mınıstri jáne jergilikti atlantıkalyq klýbynyń jetekshisi Solomon Passı, Svetı Vlas qalasy ákimshiliginiń (Merııa) ókili, «Pamıat Bolgarıı - bratev Dınevı» atty qorynyń basshylary Dınko jáne Iordan Dınevtar, Bolgar telegraf agenttiginiń tóraǵasy Maksım Mınchev, Bolgarııa SІM janyndaǵy mádenı ortalyǵynyń basshysy Snejana Ioveva, tarıhshy jáne etnograf Stoıan Raıchevskıı jáne otandastarymyz qatysty.
Іs-sharany ashý barysynda Elshi Abaıdyń 175 jyldyq mereıtoıy tek Qazaqstanda emes, álemniń kóptegen elderinde toılanyp jatqanyn jáne Abaı qazaq ulty jańa ádebıetiniń negizin qalaýshysy, orys kórnekti aqyndary A.Pýshkınniń, M.Lermontovtyń, I.Krylovtyń shyǵarmalaryn aýdarýshy jáne kompozıtor retinde el tarıhynda óshpes iz qaldyrǵandyǵyn, sondaı-aq bareleftiń ashylýy eki el arasyndaǵy mádenıetaralyq yntymaqtastyqtyń odan ári damýyna septigin tıgizetinin atap ótti.
Bolgarııanyń tarıhshysy jáne etnografy S.Raıchevskıı Abaı Qunanbaıuly tek Orta Azııadan emes, jalpy álemde belgili, ámbebap tulǵa dep atap ótti. Sonymen qatar, Abaı barelefi Vasıl Levskı, Hrısto Botev, admıraldar Fedor Ýshakov jáne Goratsıo Nelson, Gans Hrıstıan Andersen, Djýzeppe Garıbaldı, Djanıýarıýs Magkahan, Shandor Petefı, frantsýz marshaly Fılıpp de Klerk, Frıdrıh Shıler sııaqty basqa elderdiń tanymal tulǵalardyń barelefteri arasynda óziniń laıyqty ornyn tapqanyna toqtalyp ótti.
Iordan Dınev Bolgarııada Abaıdyń barelefin ornatýǵa baılanysty rızashylyǵyn bildirip, Abaı barelefinde jazylǵan 37 qara sóz – «Adam balasyn zaman ósiredi, kimde-kim jaman bolsa, onyń zamandasynyń bári kináli» – búgingi kúnge deıin ózekti ekendigin jetkizdi.
