Bolat Baqaýov qala men aýdan ákimderin dúken aralaýǵa jiberdi

ASTANA. QazAqparat - Pavlodar oblysynyń ákimi azyq-túlik baǵasyn turaqtandyrý boıynsha jergilikti atqarý organdarynyń jumysyn synǵa aldy, dep habarlaıdy pavlodarnews.kz . 
None
None

Óńir basshysynyń aıtýynsha, sheneýnikter áleýmettik mańyzy bar taýarlardyń baǵasyn ustap turýdyń ornyna túrli syltaý izdeıdi. Oblystyq ákimdikte ótken apparattyq keńeste kásipkerlik, saýda jáne týrızm basqarmasynyń basshysy Qanat Shabenov aımaqta kartop - 13,4%-ǵa, pııaz - 19,7%-ǵa, qyryqqabat - na 19,5%-ǵa, sábiz - 13,2%-ǵa óskenin málim etti. Buǵan qosa, baǵalar barlyq aýdandar men qalalarda sharyqtap ketse, kúrish pen qaraqumyq jarmasy, jumyrtqa, taýyq eti arzandaǵan. - Azyq-túlik taýarlarynyń ındeksi 104,8%-dy quraıdy, - dedi sol. - Respýblıka boıynsha ortasha kórsetkish 104,3% deńgeıinde. Negizgi sebep - aqyly qyzmetke ınflıatsııa ındeksi 107,9%-ǵa deıin ósýinde. Oblysta kommýnaldyq qyzmet baǵasy aqpan jáne mamyr aıynda ósken. Mundaı jaýapqa Bolat Baqaýovtyń kóńili tolmady. Aımaq basshysynyń pikirinshe, baǵany turaqtandyrý boıynsha jumys ýystan shyǵyp ketken. - Eger de bir jerlerde azyq-túlik baǵasy tómendese, oǵan syrtqy faktorlar áser etken, - dedi óńir basshysy. - Al, ákimder bolsa, bul baǵytta jumys istemeıdi. Anaý qymbattady, mynaý qymbattady dep, túrli sebepter izdeı bastaısyzdar. Sebep-syltaý izdeýdiń ornynan baǵany turaqtandyrýdyń mehanızmin qarastyrý kerek. Áleýmettik mańyzy bar 19 taýardyń tizimi bar jáne onyń baǵasy anyq bolýy tıis. Bul - bizdiń basty maqsat. Búginde usynylatyn kartop baǵasy 90 teńgeni quraıdy. Al, bizde she? Kartop baǵasy eki esege qymbat! Bizde kókónis saqtaý qoımalary jetkilikti. Olarmen memorandým jasańdar. Biz olardyń basshylaryn aıtarlyqtaı jeńildikpen qamtamasyz ettik. Endi oblys turǵyndary olardan arzan baǵamen ónim alýy kerek. Bolat Baqaýov ákimderge áleýmettik mańyzy bar taýarlardyń baǵasyn baqylaýdy, sonymen qatar bul jumysqa aýdandyq jáne qalalyq máslıhattardyń depýtattaryn jumyldyrýdy tapsyrdy. 

Сейчас читают