Bolat Aqsholaqov: Eýropalyq Odaq atom energetıkasyn «jasyl» tehnologııamen teńestirý máselesin qarap jatyr

NUR-SULTAN. QazAqparat – Eýropalyq Odaq atom energetıkasyn «jasyl» tehnologııamen teńestirý máselesin qarap jatyr. Bul týraly QR Energetıka mınıstri Bolat Aqsholaqov ortalyq kommýnıaktsııalar qyzmetinde brıfıngide málim etti, dep habarlaıdy QazAqparat tilshisi.

«Búginde Eýropa odaǵynda bul másele qaralyp jatyr jáne olar gazdy da, atom energetıkasyn da «jasyl» tehnologııamen teńestirgeli otyr. Sondyqtan Qazaqstannyń aldynda atom elektr stansasyn salýdyń barlyq alǵysharttary bar jáne bul máselemen aınalysý jáne mańyzdy», - dedi vedomstvo basshysy.

Sondaı-aq, ol atom energetıkasyn damytýdyń aldaǵy mejesi týraly josparyn aıtty.

«AES salatyn bolsaq, ol senimdi qýat jetkizýshi jáne Qazaqstannyń energııa júıesinde manevrlerge ıkemdi bolýy kerek. 2035 jylǵa qaraı eldegi elektr qýatynyń 6 paıyz generatsııasyn atom energetıkasyna aınaldyrýǵa nıettimiz. Bul bizge jýyq keleshekte elektr energııasymen jabyqtaý boıynsha búkil qajettilikterimizdi qamtamasyz etýge múmkindik beredi. Atom energetıkasyn damytý AES salý ǵana emes, onymen birge ınjenerııa da damıtynyn umytpaý kerek», - dedi mınıstr.