Bolashaqta adamdar eń kemi 120 jyl ómir súre alady - ǵalym Gıl Atsmon
Onyń aıtýynsha, ǵylymdaǵy jetistikter arqyly adamnyń ómir súrý jasyn 200-500 jylǵa deıin uzartýǵa bolady.
«Jyl saıyn álem turǵyndarynyń ómir súrý uzaqtyǵy 2-3 aıǵa uzaryp keledi. 2018 jyly týǵan balalar úshin 100 jyl ómir súrý qalypty bolýy múmkin. Al bolashaqta adamdar eń kemi 120 jyl, tipti 200-500 jylǵa deıin ómir súre alady. Muny qalaı júzege asyramyz? Adamnyń jeke ekonomıkasyn qoldanamyz, bulshyqetter ınjenerııasy, jasýshalardy ózgertý, nanotehnologııalar bar. ıAǵnı, adam aǵzasyna kishkentaı robottar engizilip, qajetsiz jasýshalardy almastyryp otyrady. Adamnyń tutas denesin almastyra alady jáne 200 jastaǵy deni saý adamdy qoǵamǵa qaıtara alamyz», - dedi ızraıldik Haıfa ýnıversıtetiniń professory, ǵalym Gıl Atsmon «Keremet adamnyń týýy. Postgýmanızm dáýiri» pikirtalasynda.
Óz zertteýlerinde ızraıldik ǵalym uzaq ómir súrýshilerge qorshaǵan ortanyń áser etpeıtinin baıqaǵan.
«Uzaq ómir súrýshilerdiń jartysyna jýyǵy 70 jyl burynǵydaı ishimdik ishedi jáne shylym shegedi. Olardyń arnaıy dıetasy joq, artyq salmaqtary bar. Olardyń uzaq ómir súrýine genetıka da áser etýi múmkin. Áıtse de, álemdik zertteý barysynda olardyn uzaq ómir súrýdiń syryn suraǵan edik. Japondyqtar balyq jeıtinin aıtty, qytaılyqtar kók shaı men zimbir, Frantsııada - qyzyl sharap, Italııada - pasta, Grekııada - záıtún maıy, Amerıkada - jattyǵýlar, al bizdiń elimizde baqytty bolý», - dep óz sózin túıindedi Gıl Atsmon.
Aıta keteıik, XI Astana ekonomıkalyq forýmy elordada 17-19 mamyr kúnderi ótedi. Buǵan deıingi forýmdarda jahandyq ekonomıka, tsıfrlandyrý jáne taǵy basqa máseleler qaralsa, bıylǵy forým kezinde resýrstar, robotızatsııa, adamzattyń ózgerýi, agroónerkásip salasyndaǵy jetistikter, densaýlyq salasynyń máseleleri talqylanady.
Foto: www.asuh.org
