«Bolashaq» túlekteri otandyq ıissý oılap tapty

ASTANA. KAZINFORM – Elimizde otandyq jańa ıissý jasap shyǵaryldy. Ol týraly Ǵylym jáne joǵary bilim mınıstri Saıasat Nurbek málim etti.

«Almatydaǵy Sátbaev ýnıversıtetinde ashylǵan bizdiń 2 eksperımenttik zerthanamyz óz ónimderin shyǵara bastady. Ol - ıissý (dýhı), otandyq ónim. Parfıýmdy jasap shyǵarý úshin «Bolashaq» baǵdarlamasynyń túlegi Gúljan Túzelbaeva Frantsııada parfıýmerlik is boıynsha arnaıy oqyp keldi. Sonymen qatar Erbol Saǵatov - sıntetıkalyq hımııa boıynsha PhD doktory Ulybrıtanııada «Bolashaq» baǵdarlamasymen oqydy», - dedi Saıasat Nurbek Úkimet otyrysynan keıin ótken baspasóz máslıhatynda.

Mınıstrdiń aıtýynsha, parfıýmerler ıis sýdan bólek, turmystyq hımııa zattaryn shyǵaratyn komanda quryp jatyr.

Buǵan deıin qazaqstandyq bıotehnolog qaterli isikke qarsy preparat jasap shyǵarǵany týraly habarlaǵan edik.