«Bolashaq» til kýrstaryn Qazaqstanda ótkizýdi josparlaýda

ASTANA. QazAqparat - 2015 jyldan bastap «Bolashaq» baǵdarlamasy aıasyndaǵy til kýrstary shetelde emes, Qazaqstanda ótkizilmek. Bul týraly búgin Ortalyq kommýnıkatsııalar qyzmetinde «Halyqaralyq baǵdarlamalar ortalyǵy» AQ prezıdenti Ǵanı Nyǵymetov málim etti.

Onyń aıtýynsha, qazirgi ýaqytta til kýrstarynyń jańa modelin jasaqtaý boıynsha jumystar talqylanýda.

«Qazirgi ýaqytta biz kvota arqyly memlekettik qyzmetkerlerdi, BAQ qyzmetkerlerin, ǵylymı-pedagogıkalyq jumysshylardy qysqa merzimdi til kýrstaryn ótýge shetelderge jiberip júrmiz. Biraq kelesi akademııalyq jyldan bastap, biz bul kýrstardy óz elimizde Nazarbaev Ýnıversıteti jáne ál-Farabı atyndaǵy Qazaq ulttyq ýnıversıteti bazasynda uıymdastyrmaqpyz», - dep atap ótti ol.

Ǵ. Nyǵymetovtiń sózine qaraǵanda, kýrstar 6+6 modeli boıynsha ótpek. Osylaısha, stıpendıattar 6 aı Qazaqstanda jáne 6 aı shetelde tildik ortada oqytylady. «Sonyń arqasynda biz shyǵyndardy ońtaılandyryp, tildi oqytýdy jańa deńgeıge kóteremiz», - dedi ol.