«Bolashaq» stıpendııasyna qujat qabyldaý bastaldy
Qujat qabyldaý 2023 jylǵy 15 qyrkúıekke deıin jalǵasady. Konkýrstyq irikteýge qatysýǵa ótinimder memlekettik qyzmetter portaly eGov arqyly onlaın túrde qabyldanady.
Jalpy alǵanda, 2023 jyly magıstratýra jáne rezıdentýra baǵdarlamalaryna 395 stıpendııa, doktorantýraǵa 50 stıpendııa, taǵylymdamadan ótý úshin 110 stıpendııa bólindi.
Bıyl «Bolashaq» stıpendııasy úmitkerlerine qoıylatyn talaptar kúsheıtildi. Endi úmitkerler shet tilin meńgergenin rastaýy tıis. Aǵylshyn tilinde oqýǵa túsýshiler tómendegi nátıjeler boıynsha IELTS, TOEFL sertıfıkatyn usynýy kerek.
«Bıyl «Bolashaq» stıpendııasy aıasynda úmitkerlerdi irikteý qaǵıdalary jetildirildi. Endi konkýrsqa sheteldik joǵary oqý orny nemese uıymnan akademııalyq oqýǵa granty bar úmitkerler de qatysa alady. Bul rette, «Bolashaq» baǵdarlamasy turý, tamaqtaný, medıtsınalyq saqtandyrý, ushý, vızalyq alymdar, oqý materıaldaryn satyp alý shyǵyndaryn óteıtin bolady. Sondaı-aq, eńbekpen óteý merzimi bir jylǵa qysqarady», - dep atap ótti «Halyqaralyq baǵdarlamalar ortalyǵy» AQ Basqarma tóraǵasy Oljas Sákenov.
Esterińizge sala keteıik, Memleket basshysynyń «Bolashaq» baǵdarlamasyn qaıta baǵdarlaý jónindegi tapsyrmasy boıynsha ınjenerlik-tehnıkalyq kadrlardy daıarlaýǵa basymdyq beriledi. Úmitkerlerdi qoldaý úshin «Injenerlik-tehnıkalyq qyzmetkerler» jańa jeńildik sanaty engizildi. Sonymen qatar Halyqaralyq baǵdarlamalar ortalyǵynyń bastamasymen medıtsınalyq qyzmetkerlerdi irikteý qaǵıdalary jetildirildi.
Atalǵan ózgertýlerdiń arqasynda qazaqstandyq dárigerler men tehnıkalyq qyzmetkerler merzimi 12 aıǵa deıingi tegin tildik daıyndyqtan óte alady.
