«Bolashaq» stıpendııasy ıegerleriniń tizimi jarııalandy
ASTANA. KAZINFORM – «Halyqaralyq baǵdarlamalar ortalyǵy» AQ «Bolashaq» baǵdarlamasy stıpendııasy ıegerleriniń tizimin jarııalady.
«2024-2025 akademııalyq jylǵa arnalǵan úkimetaralyq granttar sheńberinde Vengrııanyń jetekshi joǵary oqý oryndarynda oqýǵa arnalǵan qazaqstandyqtardyń túpkilikti tizimi jarııalandy. Teń ballmen jetim balalarǵa, bala kezinen múgedekterge jáne múgedek balalarǵa, kóp balaly otbasylardan shyqqan balalarǵa, aýyldyq eldi mekenderden kelgen úmitkerlerge artyqshylyq berildi. Bilim berý granttaryn berý týraly túpkilikti sheshimdi qabyldaýshy tarap qabyldady. Grant oqý aqysyn, stıpendııany, jataqhanada turýdy nemese jalǵa beriletin turǵyn úıge aqy tóleýdi, sondaı-aq medıtsınalyq saqtandyrýdy qamtıdy. Qosymsha shyǵyndardy grant ıegerleri óz betinshe óteıdi»,-delingen habarlamada.
Tizimdi aktsıonerlik qoǵamnyń resmı saıtynan kórýge bolady.
Osyǵan deıin QR Memlekettik keńesshisi Erlan Qarınniń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótkenin habarladyq.
Respýblıkalyq komıssııanyń sheshimimen 184 otandasymyzǵa «Bolashaq» stıpendııasy taǵaıyndaldy. Olar magıstratýra jáne doktorantýra baǵyttary boıynsha álemniń úzdik ýnıversıtetterinde bilim alady.
