Bokstan «Strandja» týrnıri: Búgin el quramasynan kimder synǵa túsedi

ASTANA. KAZINFORM - Bolgarııada ótip jatqan bokstan «Strandja» týrnırinde búgin, 25 aqpanda el quramasynan kimderdiń synǵa túsetini belgili boldy.

Halyqaralyq týrnırdiń ekinshi jarys kúninde qazaqstandyq 11 boksshy sharshy alańǵa shyǵady. Aldymen 51 kelide Bekzat Aldamjarov frantsııalyq Nıke Kammıngspen qolǵap túıistirse, 63.5 kelide Ertýǵan Zeınýllınov bolgarııalyq Vladıslav Lısovyı, Muhamedsabyr Bazarbaıuly grýzııalyq Saba Tkebýchavamen kezdesedi.

80 kelide Erasyl Jaqpekov pákistandyq Ýmaıs Ikbal, 86 kelide Nurbek Oralbaı bolgarııalyq Manýel Jechev, Bekzad Nurdáýletov ózbekstandyq Akmalhon Israılov, 92 keliden joǵary salmaqta Aıbek Oralbaı pákistandyq Tahır Abdýl Vakabpen sheberlik baıqasady.

Áıelder quramasynan Gúlnar Turarbaı anglııalyq Oýklı Kelsı, Aıdana Jabynbekova (57 keli) horvatııalyq Nıkolına Kasık, Arýjan Jańabaeva (63 keli) Dıana Sıfra, Anastasııa Baıaztova (75 keli) frantsııalyq Kammıngs Naıkpen sharshy alańǵa shyǵady.

Jekpe-jekter Qazaqstan ýaqytymen saǵat 17:00-de bastalady.

Aıta ketsek, jarystyń alǵashqy kúni, 24 aqpanda el quramasynan Dáýlet Moldashev (57 keli) 1/8 fınalda ázerbaıjandyq Zalımhan Sýleımanovtan jeńilse, Sanatáli Tóltaev (67 keli) bolgarııalyq Emırdjan Mehmetti qapy qaldyrdy.

Al, qarsylastarynyń bas tartýyna baılanysty Tórehan Sabyrhan men Serik Temirjanov jekpe-jeksiz kelesi aınalymǵa joldama alady.