Bokstan Olımpıadaǵa irikteýde Valentına Halzova 1/4 fınalǵa shyqty

ASTANA. KAZINFORM - Taıland astanasy Bangkok qalasynda ótip jatqan bokstan Olımpıadaǵa irikteý týrnırinde búgin 1/8 fınalda Valentına Halzova (75 keli) fınalǵa shyqty.

Qazaqstandyq boksshy jarystyń atalǵan satysynda saǵat mońǵolııalyq Erdenetýıa Enhbaatarmen sharshy alańǵa shyqty.

Jekpe-jek barysynda qazaqstandyq boksshy senimdi oıyn kórsetti. Nátıjesinde qarsylasynan 5:0 esebimen basym tústi.

Valentına Halzova 1997 jyly dúnıege kelgen. 2016 jyly álem chempıony atansa, 2022, 2023 jyldarda álem chempıonatynda qola júldege qol sozdy.

Al 2017 jyly Azııa chempıonatynda kúmis medal aldy.

Endi el quramasynan 16:30-da 1/8 fınalda Nazym Qyzaıbaı (50 keli) ulybrıtanııalyq Savanna Stýbleımen sheberlik baıqasady.

Sondaı-aq 18:45-te Muhammedsabyr Bazarbaıuly (63.5 keli) besinshi joldama úshin kolýmbııalyq Hose Manýel Vıafaramen qolǵap túıistiredi. 

Taılandtaǵy irikteý týrnırinde Uljan Sársenbek (54 keli), Rımma Volosenko (60 keli) men Natalıa Bogdanova (66 keli) jarys jolyn aıaqtady.

Qazir Qazaqstan quramasy qorjynynda Parıj Olımpıadasyna erlerde 6, áıelderde 1 joldama bar.