Bokstan lıtsenzııalyq týrnır: El namysyn qorǵaıtyn burymdylar anyqtaldy

ASTANA. KAZINFORM – Bokstan Italııanyń Býsto-Arsıtsıo qalasynda ótetin Parıj Olımpıadasyna joldamlar sarapqa salynatyn álemdik lıtsenzııalyq týrnırde el namysyn qorǵaıtyn qyzdardyń esimderi belgili boldy.

QR Boks federatsııasynyń baspasóz qyzmeti málim etkendeı, atalǵan dodada 114 elden 668 sportshynyń qatarynda qazaqstandyq bylǵary qolǵap sheberleri de bar.

Bul synda Qazaqstan áıelder quramasynan bes salmaqta boksshylar Olımpıada joldamasyna talasady.

Olar: 
50 keli. Alýa Balqybekova
54 keli. Jaına Shekerbekova
60 keli. Rımma Volosenko
66 keli. Natalıa Bogdanova
75 keli. Valentına Halzova

Italııada áıelder arasynda 21 joldama sarapqa salynsa, erler arasynda 28 joldama úlestriledi.

Eske sala keteıik, bokstan Qazaqstan enshisinde ázirge eki joldama bar. 2023 jylǵy jazǵy Azııa oıyndarynda erler arasynda asa aýyr salmaqtaǵy Qamshybek Qońqabaev pen áıelderden 57 kelidegi Karına Ibragımova Parıj Olımpıadasyna barýǵa múmkindik alǵan edi.

Aıta keteıik, osyǵan deıin atalǵan lıtsenzııalyq týrnırge erler quramasynan kimder baratynyn jazǵan bolatynbyz.