Bokstan QR-dyń eńbegi sińgen jattyqtyrýshy: Ata Zań kúni - elimizdiń uly merekeleriniń biri

ASTANA. QazAqparat - Konstıtýtsııa kúnin uly merekelerdiń biri retinde atap ótý kerek»,-deıdi Respýblıkalyq sport kolledjiniń dırektory, Bokstan Qazaqstan Respýblıkasyna eńbegi sińgen jattyqtyrýshy Amalbek Tshanov málim etti.

«Búgin biz memleketimiz Ata Zańynyń 20 jyldyǵyn atap ótýdemiz. 1995 jyly elde referendým ótti. Ol kezde men Qazaqstan Respýblıkasy qurylys, turǵyn úı jáne aımaqtarda qurylys salý mınıstri bolyp qyzmet atqarǵan edim. Memleket basshysynyń tapsyrmasy boıynsha biz úgit-nasıhat komandasyn qalyptastyrǵan bolatynbyz. Onyń quramynda Úkimet músheleri, mınıstrler, akademıkter jáne basqalary qamtyldy. Maǵan sol kezde 10 kún boıy túsindirý jumystaryn júrgizý tapsyrylǵan-dy»,-dedi Amalbek Tshanov.

Ol ózin 1995 jylǵy jaýapkershiligi mol sharalarǵa qatysýshylardyń biri dep sanaıtyndyǵyn aıta kele, «osy oraıda búgingi ataýly kúnmen barsha Qazaqstan halqyn quttyqtaımyn! Konstıtýtsııa - ol elimizdiń Negizgi zańy ekenin barlyǵy biledi, sondyqtan bul kúndi uly merkelerdiń biri dep sanaımyn»,-dedi.