Bokstan Álem kýbogy: Mahmud Sabyrhan shırek fınalǵa ótti

ASTANA. KAZINFORM — Astanada ótip jatqan World Boxing aıasyndaǵy álem kýbogynda otandasymyz 1/8 fınalda ońtústikkoreıalyq Shın Chjeendi jeńdi.

Mahmud birinshi raýndtan-aq keremet boks úlgisin kórsetiti. Qarsylasyn eki márte nokdaýnǵa jiberdi. Nátıjesinde aıqyn basymdyqpen jeńiske jetti.

Mahmud Sabyrhan 2023 jyly álem, 2024 jyly Azııa chempıony. Onyń qorjynynda Álem jáne Azııa chempıonattarynyń eki birdeı kúmis júldesi bar.

Aıta ketsek, búgin, 1 shildede el quramasynan alty boksshy synǵa túsip jatyr.
Qazirge deıin áıelderde Anel Sakysh (54 keli) ózbekstandyq Ferýza Kazakovaǵa ese jiberip, jarys jolynan shyǵyp qaldy.

Sondaı-aq Nurbek Oralbaı (80 keli), Nadejda Rıabets (75 keli), Serik Temirjanov (60 kelii), Aıbek Oralbaı (90 keliden joǵary) sharshy alańǵa shyǵady.

Álem kýbogyna 30 elden 300-ge jýyq boksshy qatysyp jatyr. Bul Olımpıadalyq WORLD BOXING uıymynyń Qazaqstandaǵy alǵashqy jarysy bolyp otyr.

Álem kýbogy jyl boıyna birneshe kezeńmen ótkiziledi. Reıtıngilik saıysta ár salmaq dárejesinde jeńimpazǵa 300, ekinshi orynǵa 200, qos qola júldegerge 150 upaıdan beriledi.