Bokstan álem chempıonatyn Qazaqstannyń qaı telearnasy kórsetetini anyqtaldy
Qazaqstandyq jankúıerler baıraqty dodadan tikeleı kórsetilimdi «Qazsport» telearnasy arqyly tamashalaı alady.
Buǵan deıin habarlaǵanymyzdaı, búgin álem chempıonaty jalaýyn kóteredi. Dúbirli dodada elimizdiń atynan 12 boksshy synǵa túsedi. Olardyń qatarynda Nazym Qyzaıbaı (50 keli), Jaına Shekerbekova (52 keli), Dına Jolaman (54 keli), Karına Ibragımova (57 keli), Rımma Volosenko (60 keli), Aıda Ábikeeva (63 keli), Darıǵa Shákimova (66 keli), Valentına Halzova (70 keli), Nadejda Rıabets (75 keli), Gúlsaıa Erjan (81 keli) jáne Lázzat Kúngeıbaeva (81 keliden joǵary) bar.
El quramasynan búgin Valentına Halzova kenııalyq Lorna Kýsa Sımbımen qolǵap túıistiredi.
Sondaı-aq qazaqstandyq boksshylar alǵashqy jekpe-jegin Kanada, Kolýmbııa, Pýerto-Rıko, Ispanııa, Fınlıandııa, Aljır, Ózbekstan, Túrkııa jáne Ýkraına sportshylaryna qarsy ótkizedi.
