Bokstan álem chempıonatyna Qazaqstan atynan kimder barady

ASTANA. KAZINFORM - World Boxing aıasynda Anglııanyń Lıverpýl qalasynda ótetin bokstan álem chempıonatyna baratyn Qazaqstan quramasy belgili boldy.

Qazaqstandyq bylǵary qolǵap sheberleri dúbirli dodaǵa ázirligin Almaty oblysynda júrgizip jatyr. Endi olar sońǵy daıyndyǵyn pysyqtaý úshin Sheffıld qalasyna attanady. Onda 10-nan asa eldiń boksshylary boı kórsetken jıynǵa qosylady.

Elimizdiń erler quramasynyń bas bapkeri Qaırat Sátjanov negizinen tájirıbeli boksshylarǵa senim artyp otyr. Olardyń qatarynda Sanjar Táshkenbaı (50 keli), Mahmud Sabyrhan (55 keli), Beıbarys Jeksen (60 keli), Ertýǵan Zeınýlınov (65 keli), Tórehan Sabyrhan (70 keli), Sabyrjan Aqqalyqov (75 keli), Nurbek Oralbaı (80 keli), Bekzat Nurdáýletov (85 keli), Saǵyndyq Toǵambaı (90 keli) men Aıbek Oralbaı (90 keliden joǵary) bar. 

Al Eldos Saılalın bastaǵan bapkerler áıelder quramasynda tómendegi bylǵary qolǵap sheberlerine senim artty. Aldaǵy álem chempıonatynda elimizdiń atynan Nazym Qyzaıbaı (48 keli), Alýa Balqybekova (51 keli), Elına Bazarova (54 keli), Karına Ibragımova (57 keli), Vıktorııa Grafeeva (60 keli), Aıda Ábikeeva (65 keli), Natalıa Bogdanova (70 keli), Nadejda Rıabets (75 keli), Gúlsaıa Erjan (80 keli) jáne Eldana Talıpova (80 keliden joǵary) synǵa túsedi.