Boksshy Rımma Volosenko lıtsenzııalyq týrnırdi sátti bastady

ASTANA. KAZINFORM - Taılandynyń Bangkok qalasynda ótetin bokstan Olımpıadaǵa irikteý týrnırinde 27 mamyrda Rımma Volosenko (60 keli) qarsylasyn jeńdi.

Qazaqstandyq boksshy alǵashqy jekpe-jeginde Felısıtas Marııa Ganglbaıer (Germanııa) sharshy alańǵa shyqty. 

Kezdesý barysynda qos boksshy tartysty báseke ótkizdi. Nátıjesinde Rımma jeńimpaz bolyp tanyldy.

Aıta ketsek, qazirge deıin el quramasynan 25 mamyrda Nazym Qyzaıbaı (50 keli) Nıkol Dýrıkovany jeńip, jarystyń kelesi satysyna shyqty.

Al Valentına Halzova (75 keli) búgin, tústen keıin rıngke shyǵady.

Sondaı-aq, áıelder quramasynda endi Uljan Sársenbek (54 keli), Natalıa Bogdanova (66 keli) synǵa túsedi.

Erler quramasynan Muhamedsabyr Bazarbaıuly (63.5 keli) 1/32 fınalda fılıppındik Krıstıan Pıtt Lorentti qapy qaldyrdy.