Boqaev pen Aıanovtyń isi: Qorǵaýshylar sot zalynda urysyp qaldy
«Men bir mezgilde M. Boqaev pen T. Aıannyń qorǵaýshysy bolyp tabylamyn. Óıtkeni olarǵa taǵylǵan aıyptar birdeı. Meniń áriptesim Janar Balǵabaeva M. Boqaevtyń qorǵaýshysy bolyp otyr. Ol buryn qorǵaýshy esebinde Rınat Kıbraevqa zańgerlik qyzmet kórsetken. Rınat Kıbraev bul is boıynsha kýáger retinde shaqyrylǵan. Ol tergeýge Talǵat Aıanovqa qatysty túsinik bergen. Sol túsiniginde Talǵattyń Almatyda sherý uıymdastyrý maqsatymen belsendilermen kezdeskenin jáne qolynda T. Tóleshovten alǵan 50 myń AQSh dollary bolǵany týraly aıtypty. Maǵan R. Kıbraevty qorǵaǵan adammen qatar otyrý yńǵaısyz. Erteń ol qorǵaǵan adam sotqa kelip, túsinik beredi»,- dedi sotta Tólepqalı Aıanov.
Eske sala ketsek, sotqa deıin tergeýge deıin túsinik bergen Rınat Kıbraev T. Aıanov pen M. Boqaevtyń aram pıǵyly men josparlary týraly, atap aıtqanda sherý uıymdastyrýǵa qarajatynyń baryn aldyn-ala bilgenin aıtqan. «3 mamyrdyń túninde Marlen, Talǵat jáne men úsheýmiz «Altyn saraı» saýnasyna bardyq. Talǵat ishimdik iship otyryp, ózine Atyraýdaǵy sherýdi uıymdastyrýǵa Ońtústik Qazaqstannyń áldebir adamdary kómekteskenin maqtanyshpen jetkizdi. Áńgimesinen uqqanym: ol álgi aqshanyń bir bóligin óz qajetine jumsap, qalǵan bóligin Marlenge saqtap qoıýdy tapsyrǵan»,- delingen kýágerdiń tergeýshilerge bergen túsiniginde.
Ózine sóz kezegi kelgende M. Boqaevtyń qorǵaýshysy Janar Balǵabaeva Tólepqalı Aıanovtyń ótinishiniń negizsiz ekenin málimdedi. «Men Talǵat Aıanovqa qatysty túsinik bergen Rınat Kıbraevtyń múddesin qorǵadym. Al qazirgi sotta Maks Boqaevty qorǵaýǵa keldim. Birinshiden, ol túsinikterdiń negizin tyńdaý kerek. Ol jerde qandaı da bir qaıshylyqtar bar-joǵyn sonda kóremiz. Ekinshiden, men Maks Boqaevty qorǵaýshysymyn, endeshe eshqandaı qaıshylyqtar bolýy múmkin emes. Sondyqtan ótinish hattyń ekinshi bóligin qanaǵattandyrmaý kerek dep sanaımyn»,- dedi J. Balǵabaeva.
Osylaısha sot bastalmaı jatyp, qorǵaýshy taraptyń arasynda ózara básekelestik, jikshildik ornady. Janjal ulǵaıa bastaǵan kezde qorǵaýshylar sottalýshy M.Boqaevpen jáne ózara ymyraǵa kelý úshin úziliske shyǵýǵa májbúr boldy. Aıta ketelik, sotta M. Boqaev pen T. Aıandy ázirshe alty qorǵaýshy qorǵaýda.
Aıta keterligi, osynyń aldyndaǵy sot otyrysynda №2 Atyraý qalalyq sotynyń sýdıasy Baqytgúl Dúısebalıeva T. Aıanovtyń qorǵaýshysy Tólepqalı Aıanovtyń sýdıaǵa bildirgen narazylyǵyn qanaǵattandyrǵan joq. Onyń aıtýynsha, qorǵaýshynyń ótinishinde zańdyq negiz bolmaǵan. «Sot G. Daýleshovaǵa isti júrgizýge narazylyq bildirý týraly sottalýshy T. Aıanovtyń qorǵaýshysy T. Aıanovtyń ótinishin qanaǵattandyrǵan joq. Ótinish berýshi keltirgendeı, bul jerde sýdıanyń iske jeke qyzyǵýshylyǵynyń bary anyqtalmady. Osyǵan oraı, Qazaqstan Respýblıkasynyń Qylmystyq-protsessýaldyq kodeksiniń 87 babyn basshylyqqa ala otyryp, qorǵaýshynyń sýdıaǵa narazylyq bildirý týraly ótinishi qanaǵattandyrýǵa jatpaıdy degen qaýly shyǵaryldy. Bul qaýly boıynsha shaǵym túsirýge bolmaıdy»,- dedi sot otyrysynda B. Dúısebalıeva.
Sot protsesine qatysýshylar Tólepqalı Aıanovtyń sýdıaǵa narazylyq bildire otyryp, onyń biliktiligi men kásibı sheberligine eshqandaı kúmán keltirmeıtinin málimdegen kezde qatty tańyrqady. Tipten onyń qaı sózine sener-senbesin bilmeı dal boldy.
Maks Boqaevtyń qorǵaýshysy sottan shettetildi
№2 Atyraý qalalyq sotynda M. Boqaev pen T. Aıanovtyń isi boıynsha sot otyrysy ótip jatyr. Tústen keıin jalǵasqan sotta sýdıa Gúlnar Daýleshova Talǵat Aıanovtyń qorǵaýshysy Tólepqalı Aıanovtyń memlekettik aıyptaýshylardy sottan shettetý týraly ótinishin qanaǵattandyrǵan joq. Alaıda Tólepqalı Aıanovtyń M. Boqaevtyń qorǵaýshysy Janar Balǵabaevany sot protsesinen shettetý jónindegi ótinishin tolyq qanaǵattandyrǵan qaýly shyǵardy. «Bul ótinishti qanaǵattandyrǵan sebebimiz, Janar Balǵabaeva Talǵat Aıanovqa qatysty túsinik bergen kýáger Rınat Kıbraevty qorǵaǵan. Al Rınat Kıbraev Talǵat Aıanovqa (Bul ekeýine taǵylǵan aıyptar birdeı) qarsy kýálik berdi. Sondyqtan qarama-qarsy taraptarǵa birdeı zańgerlik qyzmet kórsetken adamnyń qylmystyq protseste qorǵaýshy bolýǵa quqyǵy joq. Qorǵaýshy J. Balǵabaevanyń ózi R. Kıbraevqa zańgerlik kómek kórsetkenin joqqa shyǵarǵan joq»,- dedi G. Daýleshova.
Ol R. Kıbraevtyń osy is boıynsha kýáger retinde túsinik bergenin aıtty. Muny M. Boqaevtyń qorǵaýshysy Janar Balǵabaeva da rastap: «Men Talǵat Aıanovqa qatysty túsinik bergen Rınat Kıbraevtyń múddesin qorǵadym. Al qazirgi sotta Maks Boqaevty qorǵaýǵa keldim»,- dep málimdedi. Osy jaǵdaıdy eskere kele, sýdıa Maks Boqaevtyń qorǵaýshysy Janar Balǵabaevany sot protsesinen shettetý týraly sheshim shyǵardy.
Sonymen qatar, sotqa ótinish hattar joldaǵan M. Boqaev pen T. Aıanovtyń qorǵaýshysy Tólepqalı Aıanov maman retinde saıasattanýshylar Dosym Sátpaevty, Dos Kóshimdi jáne Rasýl Jumalyny shaqyrýǵa ótinish jasady. Sonymen qatar, olar sottyq saramtamalarǵa kúmán keltirip, ony jasaǵan mekemelerdiń mamandaryn sotqa shaqyryp, jaýap alýdy talap etti. Memlekettik aıyptaýshylar bul ótinishke birden qarsylyq tanytty. Prokýrordyń sózinshe, atalǵan tulǵalar sottalýshylardy ashyq jaqtaıtyny málim. Buǵan dálel retinde ol saıasattanýshylardyń jer taqyrybyna jazǵan maqalalarynyń kóshirmesin kórsetti.
Aıtarlyǵy, Tólepqalı Aıanovtyń ótinishine prokýror qarsy pikir bildirdi. Osy kezde Maks Boqaev: «Sizge mundaı ótinish aıtylatyny qalaı málim bolǵan?» dep surap edi, buǵan Tólepqalı Aıanov: «Árıne bul qorǵaýshy Janar Balǵamambetovanyń áreketi» degen oqys pikirin aıtyp qaldy. Saıyp kelgende, tóraǵalyq etýshi sýdıa Gúlnar Daýleshova tanymal saıasattanýshylardy shaqyrýdyń zańǵa tompaq keletinin atap aıtty. Ol «Dosym Sátpaev, Dos Kóshim jáne Rasýl Jumaly - kásibı fılolog mamandar emes. Olar saıasattanýshylar. Mundaı máselege tek naǵyz kásibı mamandar ǵana taldaý jasaı alady» dep túsindirdi.
Jalpy alǵanda, sottyń alǵashqy kúninen sottalýshylardyń qorǵaýshylarynyń arasyndaǵy alaýyzdyq anyq baıqalyp turdy. Bul qorǵaý tarabynyń birtutas ustanymynyń joqtyǵyn kórsetti. Sot otyrysy erteń jalǵasady.
