Boao azııalyq forýmy 20-22 sáýirde ótedi

BEIJІŃ. QazAqparat – Boao azııalyq forýmy (BAF) jyl saıynǵy jınalysy 20-22 sáýirde Qytaıdyń ońtústigindegi Haınan provıntsııasynda Boaoda ótedi. Bul týraly BAF hatshylyǵynyń habarlamasynda aıtylǵan, dep habarlaıdy QazAqparat menshikti tilshisi.

Іs-shara «Álem jáne COVID-19 pandemııasy: jahandyq damý men ortaq bolashaq úshin ózara is-qımyl» uranymen ótedi.

BAF uıymdastyrýshylary forýmnyń kúndizgi jáne onlaın formatta ótetinin habarlady. Oǵan saıasatkerler men úkimet músheleri, halyqaralyq uıymdardyń basshylary, bedeldi ǵalymdar men saıasattanýshylar, sondaı-aq iri halyqaralyq korporatsııalardyń ókilderi qatysady.

Paneldik pikirtalas barysynda qatysýshylar Azııa men búkil álemdegi postpandemııalyq damý máselesin talqylaıdy.

Esterińizge sala keteıik, koronavırýs pandemııasyna baılanysty 2020 jyly BAF-tyń jyl saıynǵy jınalysy toqtatylyp, 2021 jyly ótken bolatyn.