Bloomberg farmatsevtıka mamany «Spýtnık V» vaktsınasyna baǵa berdi
Bloomberg taldaýshysy «Spýtnık V» vaktsınasy boıynsha úsh aralyq taldaýmen 22714 adam synaqtan ótkenin jazady. Reseılik vaktsınany zerttegen taldaýshy onyń tıimdiligi 90% nemese odan da joǵary ekenine kózi jetken. Sondaı-aq, vaktsınatsııalanǵan adamdardyń birde-birinen koronavırýs ınfektsııasynyń aýyr túri tirkelmegen.
Fazelı óz maqalasynda «Spýtnık V» vaktsınasy AstraZeneca-Oxford University men Johnson & Johnson vaktsınalarynda qoldanylatyn vaktsınanyń aldyńǵy qatarly tehnologııasynyń kómegimen jasalǵanyn atap ótedi. Vaktsınanyń eki dozasynda da adenovırýstyq vektorlar, jalpy sýyqtan keletin, koronavırýstyń genetıkalyq materıalyn jetkizetin jáne ımmýndyq júıeni odan ári ınfektsııalardan qorǵaný úshin jaýap beretin vırýstar qoldanylady.
«Spýtnık V» vaktsınasynyń bir aıyrmashylyǵy bar» deıdi Fazelı. Reseılik vaktsına birinshi dozada (adenovırýs-26) Johnson &Johnson vaktsınasynda qoldanylatyn adenovırýsty paıdalanady. Al ekinshi dozada basqa adenovırýs (adenovırýs-5) qoldanylady. Osylaısha, avtor atap ótkendeı, birinshi dozaǵa ımmýnıtettiń paıda bolý múmkindigi alynyp tastalady. Bul ekinshi dozanyń tıimdi áreket etý qabiletine áser etedi.
Bul rette bir problema - adamdardyń kópshiliginde adenovırýs-5 ımmýnıtetiniń bary. «Biraq vaktsına óte tıimdi bolsa, bul úlken kemshilik emes» deıdi sarapshy.
«Spýtnık V vaktsınasyn tereń zertteı kele bul vaktsına batystyń zerthanalarynda jasalǵan vaktsınalar sııaqty kúshti kandıdat bola alady dep aıtýǵa negiz bar», - dep jazady Fazelı.
