Bilimdi adamdar jasandy ıntellektini kerek qylmaıdy — sarapshy
ASTANA. KAZINFORM — Jasandy ıntellektini mindetti túrde paıdalaný kerek degen qaǵıda joq. Bul týraly Kazinform agenttiginiń BIZDIÑ ORTA podkastynda IT sarapshy Tımýr Bektur málim etti.
— Jańa tehnologııalar shyqqan kezde, sony tanyp-bilýge umtylamyn. Biraq, sol tehnologııany asyqpaı ıgergen de durys sııaqty. Eger adam óz ómirine rıza bolsa, jumysyn smartfonsyz nemese ChatGPT kómeginsiz tolyqqandy atqarsa, jasandy ıntellektige júginý qajet emes. Qyzmetińde «jasandy ıntellektini mindetti túrde paıdalan» dep májbúrlemese, onda ózińizdiń quzyretińiz ben bilimińiz arqyly ary qaraı júre berýge bolady ǵoı?! Bul turǵyda mindetti túrde qoldaný kerek degen qaǵıda joq, — dedi T. Bektur.
Onyń aıtýynsha, óz qabileti jetkilikti adamdarǵa, únemi bilimin jetildirip júrgenderge ChatGPT-di paıdalanýǵa májbúrleý kerek emes.
— Degenmen, jasandy ıntellektini paıdalanyp júrgender barshylyq. Bul adamdar ýaqytyn únemdeý úshin osyny paıdalanyp jatqanyn túsinemiz, — dedi IT sarapshy.
Budan buryn habarlaǵandaı, Qazaqstanda óndiris salasyna jasandy ıntellekti engizýdi kózdeıtin Jol kartasy bekitildi. https://kaz.inform.kz/news/kazakstanda-ondrs-salasina-zhasandi-intellekt-engzud-kozdeytn-zhol-kartasi-bektld-b117f6/
Jaqynda, mektepterde jasandy ıntellektini jaýapkershilikpen qoldaný boıynsha oqytý bastaldy.