BQO turǵyny avtokólik alamyn dep 3,1 mln teńgesinen aıyryldy

ORAL. QazAqparat – Batys Qazaqstan oblysynyń turǵyny avtokólik alamyn dep 3,1 mln teńgesinen aıyryldy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, Oralǵa qarasty Zachagan kentinde turatyn 34 jastaǵy áıel 1991 jylǵy T. degen turǵynnan Hyundai Accent avtokóligin 3,1 mln teńgege satyp alǵan.

«Keıin avtokóliktiń shyn ıesi tabylyp, múlkin keri qaıtarýdy talap etken. Anyqtalǵanyndaı, T. Astana qalasynda atalǵan avtokólikti jalǵa alyp, sosyn jalǵan tehnıkalyq qujatyn jasap, satyp jibergen. Avtokólik qazaqstandyq esepte turǵanymen, alaıaq onyń tehnıkalyq qujatyn armıan nómirine aýystyrǵan. Sodan keıin jańadan aıdap ákelingen kólik retinde satqan. Qazirgi kezde QR QK 190-baby 1-bóligine sáıkes sotqa deıingi tergeý amaldary júrgizilip, qylmysqa qatysy bar adamdar anyqtalý ústinde. Alaıaq tabylǵanymen, ol áıelge aqshasyn qaıtarǵan joq», dep habarlady vedomstvodan.

Eske sala keteıik, budan buryn BQO-da eki júk kóligi soqtyǵysyp, júrgizýshiniń kóz jumǵanyn jazǵan bolatynbyz.