BQO turǵyny 632 dana kıik múıizimen qolǵa tústi
BQO polıtsııa departamentiniń resmı ókili Bolatbek Belgibekov málim etkendeı, oqıǵa 10 qazan kúni shamamen saǵat 16.30-da Zachagan kentindegi S.Aıtqulov kóshesinde bolǵan.
Jedel izdestirý sharalary barysynda Qaztalov aýdanynyń 31 jastaǵy turǵyny aıdap kele jatqan «Nissan Maxima» avtokóligi toqtatyldy.
Teksergen kezde avtokólik salonynan 632 dana kıik múıizi tabyldy.
Qazirgi kezde QR QK 339-baby 1-bóligine (ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) sáıkes sotqa deıingi tergeý amaldary júrgizilýde.
Kúdikti ýaqytsha oqshaýlaý ızolıatoryna qamaldy. Ol 7 jyldan 12 jylǵa deıin bas bostandyǵynan aıyrylýy múmkin.
Eske sala keteıik, budan buryn BQO turǵynynyń 172 dana kıik múıizin qoraǵa kómip tastaǵanyn jazǵan bolatynbyz.