BQO turǵyny 172 dana kıik múıizin qoraǵa kómip tastaǵan

ORAL. QazAqparat – Batys Qazaqstan oblysynda aýyl turǵyny 172 dana kıik múıizin qoraǵa kómip tastaǵan, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkendeı, jedel izdestirý sharalary barysynda Jańaqala aýdanynyń 33 jastaǵy turǵyny ustaldy.

Ol 172 dana kıik múıizin óz úıiniń aýlasyndaǵy qoraǵa kómip, jasyrǵan.

Atalǵan derek boıynsha Jańaqala aýdany polıtsııa bólimi QR QK 339-baby 1-1-bóligine sáıkes sotqa deıingi tergeý amaldaryn júrgizýde.

Departament bastyǵy Maqsuthan Ablazımovtyń tapsyrmasyna sáıkes osy qylmysqa qatysy bar adamdardy anyqtaý maqsatynda jedel tergeý toby quryldy.

Jyl basynan beri óńirde sırek kezdesetin jáne quryp ketý qaýpi tóngen janýarlardy zańsyz aýlaýǵa qatysty 29 qylmys ashylǵan.

Eske sala keteıik, budan buryn Batys Qazaqstanda kıik atqan turǵyndar sottalǵanyn jazǵan bolatynbyz.