BQO turǵyny burynǵy qyzyn bopsalap, 9 mln teńgesin alǵan
ORAL. KAZINFORM — Oral qalasynda 23 jastaǵy jergilikti turǵyn bopsalaý kúdigimen ustaldy.
BQO polıtsııa departamentiniń uıymdasqan qylmysqa qarsy kúres basqarmasy anyqtaǵanyndaı, kúdikti burynǵy qyzynyń ıntımdik sıpattaǵy fotosýretterin ınternetke taratamyn dep qorqytyp, odan úsh jyl boıy aqsha talap etken.
Departamentten túsken málimetke qaraǵanda, osy ýaqyt aralyǵynda jábirlenýshi 9 mln teńgesin bergen. Bopsalaý derekteri banktik aýdarymdarmen jáne messendjerdegi hat-habarlarmen dáleldengen.
- Kúdikti 150 myń teńge kólemindegi qarajatty kezekti ret alǵan sátinde qylmys ústinde ustaldy. Atalǵan derek boıynsha qylmystyq is qozǵalyp, tergeý amaldary júrgizilýde. Іstiń tergelýi departament basshylyǵynyń baqylaýynda, - dep habarlady vedomstvodan.
Eske sala keteıik, budan buryn BQO turǵyny sot arqyly zeınetaqysyn qaıta eseptetip alǵanyn jazǵan edik.