BQO turǵyny 3,4 tonna ózen shaıanymen ustaldy

ORAL. KAZINFORM – BQO polıtsııa departamentiniń tabıǵat qorǵaý polıtsııasy qyzmetkerleri Samara-Shymkent jolynda «GazELЬ» avtokóligin toqtatty.

BQO polıtsııa departamentiniń baspasóz qyzmetinen málim etkenindeı, Oral qalasynyń 40 jastaǵy turǵyny aıdap kele jatqan avtokólikten 3 tonna 421 kılogramm ózen shaıany tabyldy.

- Qazirgi kezde atalǵan derek boıynsha QR QK 196-baby 1-bóligine (kórineý qylmystyq jolmen tabylǵan múliktiıemdený nemese ótkizý) sáıkes sotqa deıingi tergeý amaldary júrgizilýde. Atalǵan bap boıynsha aıyptalǵan adam múlki tárkilenip nemese onsyz, bir júz alpys aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne bir júz alpys saǵatqa deıingi merzimge qoǵamdyq jumystarǵa tartýǵa ne qyryq táýlikke deıingi merzimge qamaqqa alýǵa jazalanady. Búgingi tańda oqıǵanyń jaı-japsary, shaıannyń baǵasy anyqtalý ústinde, - dep habarlady vedomstvodan.

Eske sala keteıik, budan buryn Oralda 17 jastaǵy qostanaılyq jasóspirimniń esirtkimen ustalǵanyn jazǵan bolatynbyz.