BQO fermerleri sýbsıdııa talaptarynyń jıi ózgeretinine alańdaýshylyq bildirdi
Senat depýtattary Narıman Tóreǵalıev pen Lázzat Rysbekova Batys Qazaqstan oblysyndaǵy Syrym, Terekti jáne Báıterek aýdandarynyń sharýa qojalyqtarynda bolyp, olardyń basshylarymen jáne qyzmetkerlerimen kezdesti.
Senatorlar fermerlermen júzdesý kezinde jemshóp daıyndaý jumysynyń barysyn talqylady.
Kezdesý barysynda sondaı-aq jemshóp jınaý jabdyqtary men tehnıkasyna baǵanyń ósýi máselesi kóterildi.
Depýtattar bul másele el basshylyǵynyń baqylaýynda ekenin jáne senatorlar óz tarapynan týyndaǵan problemalardy sheshýge belsendi túrde járdemdesetinin atap ótti.
Fermerler sonymen qatar sýbsıdııa berý erejeleri jıi ózgerip otyratyndyǵyna da alańdaýshylyq bildirdi.
Bul aýyl sharýashylyǵy taýaryn óndirýshilerge qolaısyzdyq týǵyzady jáne olarǵa óz qyzmetin josparlaýǵa múmkindik bermeıdi.
Depýtattar bul máseleni Senatta qaraý asa mańyzdy bolatynyn atap ótti.
Narıman Tóreǵalıev pen Lázzat Rysbekova Bórli jáne Shyńǵyrlaý aýdandarynda da boldy. Senatorlar aýyl turǵyndarymen kezdesý barysynda olarǵa ótken sessııa barysynda qabyldanǵan zańdardyń negizgi erejeleri týraly aıtyp berdi.
Depýtattar sondaı-aq jol, kóppáterli úı jáne sport kesheni qurylystarynyń barysymen tanysty.
Olar atqarylatyn qurylys jumystarynyń sapasyn saqtaý jáne bólingen qarajattyń ıgerilýin tıimdi baqylaý qajettigin merdigerler men ákimdiktiń esine saldy.
