BQO-daǵy sý tasqynynyń aldyn alý jumysyna 1 577 tehnıka jumyldyryldy
ORAL. KAZINFORM - Búginde sý tasqynyna tap bolǵan Batys Qazaqstan oblysyna qajetti kómek elimizdiń ár aımaǵynan kelip jatyr. Qazirgi tańda gýmanıtarlyq kómekten bólek, arnaıy tehnıka da ákelinýde.
Keshe Oral shaharyna Túrkistan jáne Aqtóbe oblysynan jalpy sany 112 arnaıy tehnıka keldi.
Qyzylorda oblysy da shet qalmady. Syr boıyndaǵy aǵaıyn Jaıyq jaǵasyn jaılaǵan eldi topan sýdan aman alyp qalý úshin 122 tehnıka jetkizdi.
Odan bólek, Almaty qalasynan kelgen 37, Aqtóbe oblysynan 47 tehnıka qaýipti aımaqtardaǵy jumysyn bastap ketti.
Mańǵystaý, Qostanaı, Atyraý, Jetisý, Jambyl oblystary men Shymkentten kelgen tehnıkalar men arnaıy mamandar da tasqynǵa tosqyn bolýda.
Qazirgi tańda sý basý qaýpi bar aımaqtarda 1577 tehnıka jumys jasaýda.
Onyń 790-y — ekskovator, tıegish, aýyr júk kólikteri, traktorlar, býldozerler, traldar men manıpýlıatorar men krandar bolsa, 787-si — jeńil kólikter, avtobýstar, assenızatorlar men júzý quraldary.
Sondaı-aq úsh tikushaq ta qoldanysta.
