BQO-da jyl basynan beri myńǵa jýyq alaıaqtyq faktisi tirkeldi

ORAL. QazAqparat - BQO-da jyl basynan beri myńǵa jýyq alaıaqtyq faktisi tirkeldi, dep habarlaıdy Polisia.kz.

Batys Qazaqstan oblysynda jyl basynan beri 934 alaıaqtyq faktisi tirkelgen. Sonyń ishinde ınternet arqyly bireýdiń atynan nesıe rásimdep, bank shotyna qol suǵatyndar jıilep ketken. Máselen, jyl bastalǵaly osyndaı 570-ten astam fakt anyqtaldy. Al tártip saqshylary turǵyndardy asa saq bolýǵa shaqyrady.

Máselen, 16 jastaǵy jasóspirim Sıtı tsentr saýda ortalyǵy mańynda 20 jastaǵy azamattan qońyraý shalý úshin telefonyn surap, banktik ınternet qosymshasy arqyly 570 myń teńge kóleminde nesıe rásimdep alǵan.

Sondaı-aq altyn satatyn dúkenniń mańynda senimge kirý arqyly 37 jastaǵy azamat banktik termınaldan 600 myń teńge nesıe rásimdegen. /Taǵy bir jaǵdaıda turǵyn azyq-túlik dúkeninde banktik qosymshanyń jalǵan tólemin kórsetip, 70 870 teńgege azyq-túlik alyp ketken. Jedel-izdestirý sharalary barysynda 25 jastaǵy oblys turǵyny anyqtalyp, ustaldy. Atalǵan faktiler boıynsha QR QK-niń 190-babyna sáıkes, sotqa deıingi tergeý amaldary júrgizilip jatyr.