BQO-da jolda qalǵan túrkııalyq júrgizýshige kómek kórsetildi
BQO polıtsııa departamenti baspasóz qyzmetinen túsken málimetke qaraǵanda, oqıǵa 14 qańtar kúni keshkisin Oral-Atyraý jolynyń 35-shaqyrymynda boldy.
«Tártip saqshylary apattyq belgileri qosylyp, jol jıeginde turǵan»Ford«júk kóligin baıqap, sol boıda toqtady. Júk tıelgen kóliktiń Túrkııadan Atyraýǵa bara jatqany anyqtaldy. Rýlde 50 jastaǵy túrkııalyq azamat bolǵan. Kóliktiń qozǵaltqyshy isten shyǵyp, salqyn salonda júrgizýshi tońa bastaǵan. Polıtseıler oqıǵa týraly oblystyq polıtsııa departamentine habarlap, júrgizýshini jylytý, ystyq tamaqpen, túnde qonatyn jerimen qamtý, júkti qorǵaý boıynsha sharalar qabyldady. Júrgizýshiniń tildi bilmeýi qıyndyq týǵyzdy. BQO PD resmı ókili Bolatbek Nurǵojın túrik tilin erkin meńgergendikten, dereý kompanııanyń túrik basshylyǵymen habarlasyp, kóliktiń qaıda ekenin aıtyp, júktiń saqtalýy men júrgizýshiniń ómirine alańdaýǵa negiz joqtyǵyn jetkizdi. Túrkııalyq júrgizýshi jedel kómek kórsetken batysqazaqstandyq polıtseılerge alǵysyn bildirdi», dep habarlady vedomstvodan.
Foto: polisia.kz