BQO-da ulymen birge adasyp ketken áıel dronnyń kómegimen tabyldy

ORAL. KAZINFORM — Batys Qazaqstan oblysynda 43 jastaǵy áıel 10 jasar ulymen birge jeńil kólikpen shyǵyp, adasyp ketken.

BQO TJ departamentiniń baspasóz qyzmetinen málim etkenindeı, olar 27 sáýirge qaraǵan túni Terekti aýdany Saryómir aýylynan Dýana eldi mekenine bet alǵan. 

Jergilikti turǵyndar 27 sáýir kúni tańnan bastap izdestirgen. Áıel baǵdarynan aıyrylyp, avtokóligi synǵannan keıin qutqarýshylardan kómek suraǵan.

Іzdeý jumystary ótinish berýshimen baılanystyń joǵalyp ketýine baılanysty qıyndady. 

- Jumysty jedeldetý maqsatynda TJM qosymsha kúshteri men quraldary, sondaı-aq 3 ushqyshsyz ushý apparaty izdeýge tartyldy. Jumyla jasalǵan jumys nátıjesinde áıel men onyń balasy keshki saǵat 19.40-ta Terekti aýdany Rybtseh aýylynyń mańynda aqaýly kólikten tabyldy. Joǵalǵandar medıtsınalyq kómekke muqtaj bolmaı, eldi mekenge jetkizildi, - dep habarlady vedomstvodan.

Eske sala keteıik, budan buryn Oral qalasynda ıesiz úıde arqalyq jas jigitti basyp qalǵanyn jazǵan bolatynbyz.