BQO-da iri sý tasqynyna daıyndyq jumystary qyzý júrip jatyr
ORAL. KAZINFORM – Batys Qazaqstan oblysynda aýqymdy sý tasqynynyń aldyn alý sharalary qabyldanyp jatyr. Bul týraly Úkimettiń baspasóz qyzmeti habarlady.
Sý tasqynyna qarsy jumystardy júrgizý úshin óńirde shoǵyrlanǵan kúshter toby 6,3 myń adamnan asty.
Úkimettiń tapsyrmasy boıynsha eldi mekenderden úlken sýdy buryp áketý jáne sý tasqynynan keletin shyǵyndy azaıtý úshin barlyq kúshter men quraldar jumyldyryldy.
Oblysta TJM-nyń 1 myńnan astam qyzmetkeri, Ulttyq ulannyń 700-den astam, Qorǵanys mınıstrliginiń 600 áskerı qyzmetshisi jumyldyryldy. Jumysqa volonterlik uıym qatysýshylary tartyldy. 1,5 myń arnaıy tehnıka jumyldyryldy, onyń 790-y BQO-ǵa elimizdiń basqa óńirlerinen kelgen.
Negizgi mindet – eldi mekenderdiń turǵyndary men olardyń úılerin sý tasqynynan qorǵaý. Jaıyq, Shaǵan, Derkól ózenderiniń boıyndaǵy jaǵalaýdy nyǵaıtý jumystary júrgizilip jatyr. Atap aıtqanda, 700 myń qum toltyrylǵan qapshyq jáne 3 710 myń tonna ınertti materıal tóseldi. Qorǵanys úıindileri 4-5 metr bıiktikke deıin kóterildi.
Qazirgi ýaqytta Oralda jedel-evakýatsııalaý pýnktteri ashyldy. Óńirde «Jedel jeli» jumys isteıdi, oǵan 512 qońyraý kelip tústi.
