BQO-da sot uıǵarymyn oryndamaǵan aýyl ákimine shara qoldanyldy

ORAL. KAZINFORM — Batys Qazaqstan oblysy Báıterek aýdanynyń turǵyny jer telimin jeke menshikke alý maqsatynda aýdandyq jer qatynastary bólimine júgingen.

BQO sotynyń baspasóz qyzmetinen málim etkenindeı, talapkerdiń aryzy ótken jyldyń jeltoqsan aıynda Báıterek aýdandyq jer komıssııasynyń otyrysynda qaralyp, jerdi berý týraly komıssııanyń oń sheshimi shyqqan. 

Alaıda Baıqonys aýyldyq okrýginiń ákimi qol qoıǵan 17 jeltoqsandaǵy № 255 sheshimge sáıkes atalǵan jer telimin berýden bas tartylǵan. 

Munymen kelispegen er adam BQO mamandandyrylǵan aýdanaralyq ákimshilik sotyna ákimshilik talap qoıýmen júgingen.

Іsti qaraý barysynda aýyl ákimi óz pikirin jáne sottyń suratqan ákimshilik is qujattaryn belgilengen merzimde sotqa joldamaǵan. Sonyń saldarynan is boıynsha aldyn ala tyńdaý keıinge qaldyrylǵan.

Sotta túsinik bergen aýyl ákimi sot uıǵarymynyń oryndalmaý sebebin túsindire almaı, oǵan dálel keltirmegen.

- BQO mamandandyrylǵan aýdanaralyq ákimshilik sotynyń uıǵarymymen Baıterek aýdany Baıqonys aýyldyq okrýgi ákimine 78 640 teńge kóleminde aqshalaı óndirip alý qoldanyldy. Salynǵan qarjy memleket bıýdjetine óndirildi. Uıǵarym zańdy kúshine endi, - dep habarlady vedomstvodan.

Eske sala keteıik, budan buryn BQO-da eks-sheneýniktiń sot sheshimimen qyzmettik turǵyn úıden shyǵarylǵanyn jazǵan edik.