BQO-da saıajaılardyń jerasty sýyn sorý jumystary júrgizilip jatyr
ORAL. KAZINFORM – Batys Qazaqstan oblysynda saıajaı aýmaqtarynda sý tasqyny saldaryn joıý jumystary jalǵasyp jatyr.
BQO TJ departamentiniń baspasóz qyzmetinen málim etkenindeı, kúni búgin Oral qalasynda «Rechnık», «Venera», «Evrazııa» lageri, «Kýrenı» aýdandary, «Berezka 1», «Berezka 2», «Avtomobılıst», «Mıchýrınskoe» («Samal 3»), «Trýd», «Volna» (teleortalyq aýdany), «Voshod» baý-baqsha birlestikteri jáne Báıterek aýdany Mıchýrın kenti mańdarynda jerasty sýlaryn sorý jumystary júrgizilip jatyr.
Departament mamandarynyń túsindirýinshe, jerasty sýlary jer betine shyǵyp ketip jatyr.
«Qazirgi tańda Oral qalasynda jerasty sýlaryn sorýǵa jeke quramnan 34 adam, 8 tehnıka, 26 motopompa, 2 SNP-500 sorǵysy tartylǵan. Sondaı-aq Báıterek aýdany Mıchýrın kentinde 2 adam 1 tehnıka, 1 motopompamen jumys jasaýda. Osy kezge deıin oblys boıynsha barlyǵy 2 mln 543,516 myń tekshe metr sý soryldy. Sonymen qatar tótenshe jaǵdaılar departamenti jáne polıtsııa departamenti qyzmetkerleri sý basqan aýmaqtardy patrýldeý isin atqarýda», - dep habarlady vedomstvodan.
«Qazgıdromet» RMK BQO fılıalynyń 17 mamyr kúngi saǵat 08.00-degi málimeti boıynsha Jaıyq ózenindegi sý deńgeıi bir táýlikte Báıterek aýdany ıAnvartsev aýyly tusynda 7 ( qazirgi deńgeıi – 727 sm), Oralda 5 (733 sm), Kóshimde 2 (762 sm), Taıpaqta 8 (900 sm) santımetrge tústi. Sondaı-aq Kóshim kanalynda 4 santımetrge (712 sm) tómendedi.
Eske sala keteıik, budan buryn Batys Qazaqstanda sý basqan aýmaqtarda epıdemıologııalyq ahýal turaqty ekendigin jazǵan bolatynbyz.
Batysqazaqstandyq kásipkerler sý tasqyny saldarynan 7 mlrd teńge shyǵynǵa ushyrady.
