BQO-da saıajaı men monsha órtendi

ASTANA. KAZINFORM - BQO órt sóndirýshileri saıajaı qoǵamynda oryn alǵan eki órtti qatar sóndirdi.

«Oral qalasy Teletsentr aýdanyndaǵy saıajaı qoǵamdarynyń birinde turǵyn úı men monshadan órt shyqty. 

Qutqarýshylardyń úılesimdi áreketteriniń arqasynda órt 102 sharshy metr alańda jedel túrde sóndirildi», — dep jazdy TJM baspasóz qyzmetinen.

Zardap shekkender joq, órttiń sebebi anyqtalýda.

Aıta keteıik, buǵan deıin Túrkistan oblysynda maqta óńdeý zaýytynan órt shyqqanyn jazǵanbyz.