BQO-da órt bolǵan jerden eki adamnyń denesi tabyldy

ORAL. KAZINFORM — Batys Qazaqstan oblysynda eki adamnyń ólimine soqtyrǵan órt oqıǵasy tirkeldi.

BQO TJ departamentiniń baspasóz qyzmetinen málim etkenindeı, oqıǵa 7 qańtar kúni saǵat 20.11-de Báıterek aýdany Kóshim aýylyndaǵy turǵyn úıde boldy.

Órt sóndirýshiler jetken mezgilde 50 sharshy metr aýmaqta tóbe men jeke zattardyń janyp jatqany anyqtaldy.

- Bólimsheler jetkenge deıin polıtsııa qyzmetkerleri eki adamnyń denesin alyp shyqqan. Olardyń bireýi er, ekinshisi áıel adam. Tilsiz jaý saǵat 21.30-da tolyqtaı aýyzdyqtaldy. Qazirgi kezde órttiń shyǵý sebebi anyqtalyp jatyr. Órt-tehnıkalyq saraptama taǵaıyndaldy, - dep habarlady vedomstvodan.

Eske sala keteıik, budan buryn Oralda 9 qabatty úıden órt shyǵyp, 10 adam qutqarylyp, 45-i evakýatsııalanǵanyn jazǵan edik.