BQO-da mindetti zeınetaqy jarnalary boıynsha bereshek 114,5 mln teńgege jetti
Onyń aıtýynsha, bul bereshektiń 43,2 paıyzy (52,2 mln teńge) jumysyn doǵarǵan kásiporyndardyń enshisinde. Olardyń ishinde reseılik «Gazprom» AAQ-ǵa qarasty «Spetsgazremstroı» AAQ enshiles qurylys-montaj kompanııasynyń fılıaly «PMK-8» (6,8 mln teńge), «Katalızator» JShS (5,4 mln teńge), «Qazaqlakrıtsa» JShS (5,0 mln teńge), «Jaıkstroımontaj» JShS (4,4 mln teńge), «Spetsgazremstroı» JShS (3,5 mln teńge) «kósh bastap» tur. Qazirgi tańda sanatta barlardan «Kroýn Batys» JShS (10,2 mln teńge, Zelenov aýdany) men «Tináli» JShS-ǵa (7,3 mln teńge, Syrym) saýyqtyrý rásimi engizilgen. Sol sekildi «BGS-Aksaı» JShS 4 mln teńge, «AZIYA BOLASHAK BATYS» 3,9 mln teńge (ekeýi de Bórli aýdanynda), «Batys Marka Lamb» JShS 3,6 mln teńge (Aqjaıyq) jáne Oral qalasynan «F+VSV SERVICE» JShS 2,3 mln teńge bereshegin ótemeı keledi. Oǵan qosa áleýmettik aýdarymdar boıynsha bereshek te 22,3 mln. teńgege jetip, jyl basyndaǵydan 2,1 mln teńgege (110,6 paıyz) kóbeıip otyr.
BQO boıynsha eńbek ınspektsııasy basqarmasynyń basshysy Azamat Aıtýevtiń sózine qaraǵanda, sońǵy úsh jylda óńirde 647 kásiporynda 807,1 mln teńge eńbekaqy bereshegi ótelip, 7114 qyzmetkerdiń quqyǵy qorǵalǵan. Sońǵy kezde alynǵan sharalar nátıjesinde «SPMK 123» JShS 5 qyzmetkerge 1,8 mln teńge, «Gıdromash Orıon» JShS 160 adamǵa 11,3 mln «Stroıtelnaıa ınıtsıatıva» JShS 180 jumysshysyna 9 mln. teńge jalaqy beresheginen qutyldy. «Omega» prıbor jasaý zaýyty» AQ-nyń bıylǵy naýryz aıynda 9 mln astam teńge berejaǵy bolsa, qazir sonyń 4,5 mln teńgesi óteldi.
Jyl basynda 200 mln teńge shamasynda jalaqy qaryzynyń 53 mln teńgege deıin azaıǵandyǵyn aıtqan oblys ákiminiń orynbasary Marat Toqjanov bul baǵytta birlesken jumystyń aldaǵy ýaqytta da jalǵasatynyn jetkizdi. 