BQO-da qostanaılyq alaıaq 82 jastaǵy áıeldiń 1,9 mln teńgesin jymqyryp ketken
BQO polıtsııa departamentiniń resmı ókili Bolatbek Belgibekovtiń málim etkenindeı, alaıaq áıel ulymen birge Aqtóbe oblysynda ustaldy.
Oqıǵa 23 tamyz kúni Terekti aýdany Aqjaıyq aýylynda boldy. 1939 jylǵy áıeldiń úıine syǵan áıel kelip, dıagnoz qoıyp beretinin aıtqan. Sosyn oǵan dýa túskenin, túrli aýrýǵa shaldyqqanyn jetkizip, budan aryltatynyn jetkizgen. Sodan keıin zeınetkerdi sıqyrlap, úıdegi barlyq aqshany kórsetýin suraǵan. Aqyry emge zııany tımeýi úshin bul jóninde eshkimge tis jarmaýy kerektigin eskertip, mashınamen taıyp turǵan. Avtokólik rýlinde onyń 23 jasar uly bolǵan.
«Buǵan kúdiktengen zeınetker áıeldiń kúıeýi aqshany taıaý mańdaǵy saýda núktesine baryp, teksertken kezde jalǵan bolyp shyqqan. Polıtseıler alaıaqtardyń izine beınebaqylaý arqyly tústi. Sol túni olardy departamenttiń krımınaldyq polıtsııa basqarmasynyń qyzmetkerleri qolǵa túsirdi.
Jymqyrylǵan aqshanyń bir bóligi tárkilendi», dedi QazAqparat tilshisine B.Belgibekov.
Qazirgi kezde QR QK 190-babyna (alaıaqtyq) sáıkes sotqa deıingi tergeý amaldary júrgizilýde.
Eske sala keteıik, budan buryn Oralda polıtseıge para bermek bolǵan mas júrgizýshiniń ustalǵanyn jazǵan edik.
