BQO-da koronavırýs juqtyrǵandardyń 97 paıyzy – vaktsına almaǵandar
BQO densaýlyq saqtaý basqarmasynyń basshysy mindetin atqarýshy Arman Qalıbekovtiń óńir basshysy Ǵalı Esqalıevtiń tóraǵalyq etýimen ótken jedel shtab otyrysynda málim etkenindeı, sonyń 97 paıyzy (29 323-i) – ekpe almaǵandar.
A.Qalıbekovtiń sózine qaraǵanda, oblysta kúni búginge deıin 224 304 adam KVI-ge qarsy egilýdiń tolyq kýrsynan ótti. Vaktsına alǵandar arasynda aýyrǵandar úlesi – 0,4 paıyz. Bul koronavırýspen kúreste vaktsınatsııalaýdyń tıimdiligin kórsetedi.
Qazirgi kezde Pfizer vaktsınasymen 12-17 jasar jasóspirimder jáne júkti, bala emizetin áıelderdi egýge daıyndyq jumystary júrgizilýde.
A.Qalıbekovtiń aıtýynsha, óńirde osy kezge deıin tirkelgen 39 418 naýqastyń 91,7 paıyzy (36 179-y) jazylyp shyqty. Solardyń 14 904-i ınfektsııalyq statsıonarlarda emdelse, 21 275-i ambýlatorlyq em aldy.
«Kúni búgin 851 tósektik 16 statsıonarda 127 naýqas ornalastyrylǵan, tolymdylyǵy – 14,9 paıyz. Kún saıyn orta eseppen statsıonarlarǵa 10-15 patsıent túsedi. Osy aptada oblystyq juqpaly aýrýlar aýrýhanasynda taǵy 20 tósek sany qysqartyldy. Jansaqtaý bóliminde 9 naýqas jatyr, tolymdylyǵy – 10,2 paıyz. Sonyń ishinde altaýy ınvazıvti emes jasandy tynys alý apparatyna, úsheýi ottegi kontsentratoryna qosylǵan», dedi A.Qalıbekov.
Eske sala keteıik, budan buryn Batys Qazaqstanda sońǵy aptada 6 adamnyń koronavırýstan kóz jumǵanyn jazǵan bolatynbyz.
