BQO-da koronavırýs juqtyrǵan 224 naýqas statsıonarda emdelip jatyr

ORAL. QazAqparat – Batys Qazaqstan oblysynda koronavırýs juqtyrǵan 224 naýqas statsıonarlarda emdelip jatyr, dep habarlaıdy QazAqparat tilshisi.

BQO densaýlyq saqtaý basqarmasy málim etkendeı, olardyń bári de Oral qalasyndaǵy 4 aýrýhanada.

Qazirgi kezde qaladaǵy statsıonarlar 58 paıyzǵa tolǵan.

Solardyń ishinde 6 naýqas aýyr halde, jansaqtaý bólimshesinde em alýda.

Jyl basynan beri 2315 adam koronavırýs juqtyrdy. 5 naýqas kóz jumdy. Іndet tabylǵan 77 balanyń tórteýi jazylyp shyqsa, qalǵany saýyǵý ústinde.

Basqarmadan túsken málimetke qaraǵanda, oblys boıynsha 261 403 adam (egilýge jatatyn turǵyndardyń 63,1 paıyzy) vaktsınanyń birinshi, 246 604-i (59,5 paıyzy) ekinshi komponentimen egildi.

Qazirgi kezde oblysta 102 219 doza birinshi, 128 149 doza ekinshi komponent bar.

Óńirde 29 904 adam revaktsınatsııadan ótti. Sondaı-aq 7070 adam Pfizer vaktsınasyn qabyldasa, sonyń 254-i – júkti, 3164-i – bala emizetin áıelder, 3652-si – jasóspirimder.

Eske sala keteıik, budan buryn BQO-da 260 myńǵa jýyq adamnyń koronavırýsqa qarsy ekpe saldyrǵanyn jazǵan bolatynbyz.