BQO-da qorǵanys polkovnıgi qyzmetkerinen para alǵan

ORAL. QazAqparat - BQO boıynsha qorǵanys isteri jónindegi departamenttiń basshysy sybaılas jemqorlyqqa kúdikti, dep habarlaıdy QazAqparat QR Sybaılas jemqorlyqqa qarsy is-qımyl agentigine silteme jasap.

Batys Qazaqstan oblysynyń Sybaılas jemqorlyqqa qarsy qyzmeti Qorǵanys mınıstrligimen birlesip, para alǵany úshin kúdikti bolǵan polkovnık, «QR Qorǵanys mınıstrliginiń BQO qorǵanys isteri jónindegi departamenti» RMM basshysyn áshkereledi.

Oblystyń qorǵanys isteri jónindegi basshysy qol astyndaǵy qyzmetkerinen qyzmet babynda kótermeleý men oǵan qamqorlyǵy úshin qomaqty kólemde para aldy degen kúdikke ilindi.

«Kúdikti ustalyp, Oral qalalyq ýaqytsha ustaý abaqtysyna qamaldy.

Kúdiktiniń kinásiniń deńgeıi týraly túpkilikti sheshimdi sot qabyldaıdy», delingen habarlamada.