BQO-da kólik qaǵyp ketken er adam kóz jumdy

ORAL. KAZINFORM — Batys Qazaqstan oblysynda avtokólik er adamdy qaǵyp ketti.

BQO polıtsııa departamentiniń baspasóz qyzmetinen málim etkenindeı, oqıǵa 29 qarasha kúni shamamen saǵat 20.10-da Oral-Býzýlýk jolynyń 1-shaqyrymynda boldy.

«Júrgizýshi Hyundai Tucson avtokóligimen belgilenbegen jerden ótip bara jatqan jaıaý júrginshini qaǵyp ketken. Jol apaty saldarynan er adam oqıǵa ornynda qaza tapty. Oqıǵa ornynda polıtsııa qyzmetkerleri jumys istedi. Oqıǵanyń mán-jaıy anyqtalý ústinde. Atalǵan derek boıynsha QR QK 345-baby 3-bóligine sáıkes sotqa deıingi tergeý amaldary júrgizilýde», dep habarlady vedomstvodan.

Turǵyndardyń sózine qaraǵanda, joldyń osy bóligi qarańǵy, jaryqtandyrylmaǵan. Ótken jyly kúzde de osyndaı oqıǵa bolyp, er adam kóz jumǵan.

Eske sala keteıik, budan buryn Oralda qyzdyń kópirden sekirýine baılanysty qylmystyq is qozǵalǵanyn jazǵan bolatynbyz.