BQO-da karantın talabyn buzǵandarǵa 7 mln teńgege jýyq aıyppul salyndy

ORAL. QazAqparat – Batys Qazaqstan oblysynda qarasha aıynyń alǵashqy kúnderi úılerinde oqshaýlanýy tıis 24 adamnyń karantın talabyn buzǵany anyqtaldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaevtyń óńirlik kommýnıkatsııalar qyzmeti alańynda ótken brıfıngide málim etkenindeı, solardyń 21-i – «qyzyl» mártebesi bar, ıaǵnı koronavırýs juqtyrǵan adamdar. Úsheýi – aýyrǵandarmen baılanysta bolǵandar.

M.Aryspaevtyń sózine qaraǵanda, 10 maýsymnan beri QR Ákimshilik quqyqbuzýshylyq kodeksiniń 425-baby 1-bóligine sáıkes karantın tártibin buzǵan «qyzyl» mártebesi bar

adamdarǵa 159 hattama toltyrylyp, 6 mln 927,875 myń teńge aıyppul salyndy.

Departament basshysynyń aıtýynsha, jyl basynan beri 29 895 adamnyń indet juqtyrǵany rastalsa, sonyń 48 paıyzy (14 405) Oral qalasynda, 15 paıyzy (4438) Báıterek, 13 paıyzy (3721) Bórli aýdanynda tirkeldi.

Sońǵy aptada (29 qazan – 4 qarasha) aldyńǵymen (22-28 qazan) salystyrǵanda, aýrý juqtyrý kórsetkishi 3,4 paıyzǵa (292-den 282-ge) kemidi.

Qarasha aıynda anyqtalǵan 157 naýqastyń 79-y (50 paıyzy) JRVI belgileri boıynsha tekserilgen. 38-i (25 paıyzy) profılaktıkalyq maqsatta qaralsa, 36-sy (23 paıyzy)

buryn aýyrǵandarmen qarym-qatynasta bolǵan. Tórteýinen (2 paıyzy) epıdemıologııalyq qadaǵalaý maqsatynda synama alynǵan.

Jas erekshelikteri boıynsha 19-y – 14-ke deıingiler, tórteýi – 15-17, 10-y – 18-25, 41-i – 26-40, 38-i – 41-60 jas aralyǵyndaǵylar, 45-i – alpystan asqandar.

Sońǵy tórt kúnde 15 oqýshy jáne 3 pedagogtan indet tabyldy. Olardyń bári de úı ishinde aýyrǵandarmen baılanysta bolǵan. Sondaı-aq arnaýly orta oqý oryndarynda 1, JOO-da 3 stýdenttiń syrqattanǵany belgili boldy.

«Qarashada 105 jolaýshy memlekettik shekaradan anyqtamasyz ótken. Halyqaralyq júk tasymalymen aınalysatyn, anyqtamasy joq 127 júrgizýshiden PTR test alynǵan kezde olardyń ekeýinen koronavırýs tabyldy», dedi M.Aryspaev.

Oblysta tumaýǵa qarsy vaktsınatsııa jumystary tolyqtaı aıaqtaldy. Bıýdjet qarajatyna Reseıde óndirilgen «Grıppol+ « vaktsınasynyń 68 myń dozasy satyp alynyp, tumaýǵa qarsy barlyǵy 67 944 adam egildi.

Eske sala keteıik, budan buryn Batys Qazaqstanda sońǵy aptada koronavırýs juqtyrý kórsetkishi 8,4 tómendegenin jazǵan bolatynbyz.