BQO-da eki kún ishinde buryn izdeýde bolǵan 13 kúdikti ustaldy

ORAL. KAZINFORM — Batys Qazaqstan oblysynda 15-16 qazanda «Іzdestirý» jedel aldyn alý is-sharasy ótti. 

BQO polıtsııa departamenti baspasóz qyzmetiniń málimetinshe, is-shara barysynda 13 kúdikti qolǵa túsken. Bir adam Tatarstan Respýblıkasy aýmaǵynda, taǵy ekeýi Oral qalasynda ustaldy. 

Reseı Federatsııasynyń quqyq qorǵaý organdarynan jasyrynǵan 8 kúdikti Oral qalasynda boı tasalap júrgen. Qyrǵyzstan men Moldova Respýblıkasy izdestirgen eki kúdikti Tasqala aýylynan tabyldy. 

Ustalǵandar urlyq pen alaıaqtyq jasaǵany, densaýlyqqa aýyr zııan keltirip, jynystyq sıpattaǵy zorlyq áreketterge barǵany, sondaı-aq pornografııalyq materıaldardy taratyp, áskerı qyzmetten jaltarǵany jáne buzaqylyǵy úshin izdeýde bolǵan. 

Sonymen qatar osy eki kúnde buryn iz-túzsiz joǵalǵan 4 adamnyń, sonyń ishinde 2 jasóspirimniń ornalasqan jeri anyqtaldy. Olar polıtsııadan boı tasalaǵan.

— «Іzdestirý» jedel aldyn alý is-sharasy qazaqstandyq quqyq qorǵaý organdary men TMD elderindegi áriptesteri arasyndaǵy ózara is-qımyldyń tıimdiligi joǵary ekendigin kórsetti, - dep habarlady vedomstvodan.

Eske sala keteıik, budan buryn Oralda jol erejesin 25 ret buzǵan 21 jastaǵy júrgizýshiniń jalǵan nómirmen júrgenin jazǵan edik.