BQO-da bir kúnde 500-den astam jol erejesin buzý deregi tirkeldi

ORAL. KAZINFORM — Batys Qazaqstan oblysynda 23-25 qańtar aralyǵynda «Qaýipsiz jol» respýblıkalyq jedel aldyn alý is-sharasy ótkizilip jatyr. 

BQO polıtsııa departamentiniń baspasóz qyzmetinen málim etkenindeı, atalǵan is-shara júrgizýshiler men jaıaý júrginshiler arasynda jol erejesin saqtaýǵa, jaraqattar sanyn azaıtýǵa baǵyttalǵan.

Osy kúnderi patrýldik polıtsııa batalonynyń jeke quramy kúsheıtilgen rejımde qyzmet atqaryp jatyr. 

— Іs-sharanyń alǵashqy kúninde jol qozǵalysy erejesin buzýdyń 533 deregi tirkeldi. Sonyń ishinde 3 júrgizýshi avtokólikti mas kúıinde aıdaǵany úshin ustaldy. Beseýi kólik quralyn basqarý quqyǵynan aıyrylǵan bolyp shyqty. Toǵyz júrgizýshi jolaýshylardy zańsyz tasymaldaýmen aınalysqan. Batys Qazaqstan oblysynyń polıtsııa departamenti jol qozǵalysy erejelerin qatań saqtaý jáne buzýshylyqtarǵa jol bermeý kerektigin eske salady, — dep habarlady vedomstvodan. 

Jyl basynan beri Batys Qazaqstan oblysynda 51 jol-kólik oqıǵasy bolyp, saldarynan 2 adam mert boldy. 84 adam túrli jaraqat aldy.

Eske sala keteıik, budan buryn Oralda 39 jastaǵy jumysshynyń óndiris ornynda qaza tapqanyn jazǵan edik.