BQO-da borannan keıin elektr jelileri qalpyna keltirildi me

ORAL. KAZINFORM – Batys Qazaqstan oblysynda 13-14 jeltoqsandaǵy borannan keıin 3 641 abonent elektr jaryǵynsyz qalyp otyr.

BQO energetıka jáne turǵyn úı-kommýnaldyq sharýashylyq basqarmasynyń basshysy Beıimbet Mýsınniń óńirlik kommýnıkatsııalar qyzmeti alańynda ótken brıfıngte málim etkenindeı, oblystyń 6 aýdanynda barlyǵy 16 myńǵa jýyq abonent jaryqsyz qalǵan bolatyn. 

Onyń sózine qaraǵanda, Bókeı ordasy aýdanynda 18 (2 748 abonent), Kaztalovta 16 (5 050), Jánibekte 12 eldi meken (3 648) elektr jaryǵynsyz otyrdy. 

Sondaı-aq Tasqalada 8 jáne Báıterekte 9 eldi mekende (eki aýdan boıynsha 5 041 abonent) elektr jelileri úzildi. Aqjaıyq aýdanynda Qabyrshaqty aýyly (15 abonent) osyndaı jaǵdaıǵa tap boldy. 

- 15 jeltoqsan kúngi saǵat 12.30-daǵy málimet boıynsha Báıterek, Aqjaıyq jáne Tasqala aýdandarynda elektrmen jabdyqtaý tolyq qalpyna keltirildi. Al Bókeı ordasy, Jánibek jáne Kaztalov aýdandarynyń 16 eldi mekeninde osy jumys jalǵasýda. Qazirgi kezde 3 641 abonent elektr jaryǵynsyz qalyp otyr. Apattyq-qalpyna keltirý jumystary elektr berý jelilerinde úzdiksiz júrgizilýde, - dedi B.Mýsın. 

Basqarma deregine sáıkes bul jumystarǵa 24 brıgada (119 adam) jáne 25 arnaıy tehnıka jumyldyryldy.

Eske sala keteıik, budan buryn BQO-da 16 myńnan astam abonenttiń elektr jaryǵynsyz qalǵanyn jazǵan edik.

Sondaı-aq BQO-da sý munarasy qulap, bir adam joǵalyp ketti.

BQO-da úsh qabatty jataqhananyń shatyry ushty.

BQO-da borandy kúni adasyp ketken eki adam tabylmaı jatyr.